我們這一家~~

自問已經盡心盡力,好努力好努力咁控制自己既情緒,但係真係忍唔住!!!我個心好痛,好辛苦...朋友們,家人們,一直無聽你地既忠告,以為只要用心對人,就一定會有好報....一年又一年,原來,平淡既日子係最好既...唔該,唔好對我開波!!點解明明係你自己既錯,都要賴係人地度丫??乜做老闆就可以打橫黎,係又小唔係又小咩???忍夠喇...我只係作出一句反駁既說話,咁已經夠喇,因為一句說話已經可以比你知道我唔會再咁忍你喇...講真,我唔反駁你,可能可以一笑置之,因為過後又係一家人...但係,我好想你自己都知道,唔係樣樣野都要人地啞忍law~當我反駁左,你明知唔關我事,你都仲要話我...你有當我一家人???既然係咁,我都唔洗當你一家人喇,你咁對我,我只好用同一個態度對你!!!

09年......每踏入新既一年,我只希望大家身體健康,平平安安...只要愛我既人好,只要我愛既人好,已經好夠喇...我好想今年可以做我自己鐘意既事,唔好再比任何野困住....我唔想要無休息既工作,我唔想要無得分開公/私既工作.....我已經為你地犧牲好多喇......

每當比你地開完波,我都會變得好黑心,不停咁咀咒人,我唔想變成咁呀!!我以前唔係咁架,我咩都可以放得開!!雖然我只係做過一份工,但係我從來無做錯過野,從來無比人話過,每一樣野我都盡心盡力做好,人地係知架!!我唔相信我搵唔到另一份工,我相信用自己工作既態度做任何工作都可以勝任...我放棄一切黎幫你,你覺得我有好多著數???你覺得我地2公婆無能力離開??所以咁樣對我??我唔走,唔係有咩著數..任何人講,我都唔會相信呢一個地方,日後會屬於我地!!我只係知道你同我已經係一家人,你地需要幫手,我就要盡心盡力咁幫你,唔需要有任何計較....但係,原來一家人唔係咁解...可能唔涉及工作,我地會係非常好既一家人law~

睇埋呢個新年,如果你仲係咁,我諗,我地日後只可以做唔涉及工作既一家人...呢一次會係我比你既最後一次機會...我已經比左好多機會你反省,如果你覺得呢d係必然既,我會再黑心多一次,我地以後無合作愉快.....

我突然想記低d野...昨晚,小桐桐唔舒服,十時係奶奶果邊嘔左好多野,返到屋企,知佢有少少發燒,同老公反應一樣,覺得佢又腸胃炎...因為小桐桐好興將對手摸呢摸路,又唔洗手(我呢個阿媽又唔得閒成日同佢洗手)跟住又放隻手入口....所以,小桐桐病得至多係腸胃炎,我覺得自己已經好有經驗咁....諗住佢嘔過就無事啦~返到屋企,佢都係如常咁玩同食奶...跟住佢又話要食粟米片,所以我又開左少少比佢食,因為先前佢嘔晒d晚飯出來,做阿媽既緊係怕餓親仔女架啦~~~點知食飽無耐,佢又嘔,今次又係大大劑,嘔晒d奶出來...本來都好怕佢會肚餓,但係佢又無話再飲,跟住去左訓覺,而我就好似平時咁,等佢地訓左覺先沖涼,跟住掂下部電腦,上床先至12點,諗住有覺好訓....訓到2點左右,小桐桐話口渴,要飲水,平時都係咁,所以我都好似習慣成自然咁餵佢飲水再訓,無耐佢又話要飲水,可能佢有少少燒啦~想飲水好正常,跟住到老公餵佢飲,呢頭飲完,唔夠2分鐘,佢嘔到一床都係....我地彈左起身去攪佢呢壇野,又換衫又抺野,再上床時又已經3點,訓低無耐,小桐桐話好口渴,但我地真係好怕佢係我地張床度嘔,因為嘔埋就無地方訓喇,所以都堅持唔比佢飲,但係佢又好可憐,因為佢係咁求我比少少佢飲...跟住少少又少少咁飲左大約2啖我就將d水飲晒,諗住佢唔會再問..點知佢又好想飲水....跟住我帶左佢出廳飲,飲完諗住抱下佢,等佢唔會嘔啦~~點知又比佢嘔到一身都係....ok~又搞埋呢壇野,見佢嘔到一乾二淨,個肚又打晒鼓...開左支奶比佢飲,跟住陪佢係廳度坐左一陣,見佢無乜野,又同佢返房訓...又四點喇...都未訓著,佢又嘔到一床都係,我同老公個身都有,好彩我拎定個盤,所以大部份都係個盤度~~搞两搞,又到5點....呢頭訓低,果頭小桐桐又話想嘔...今次嘔落個盤度,所以好快就可以訓返...搞多一陣,又6點喇,好辛苦,好想訓,但係每嚇一嚇就訓唔返....好彩,訓到一個鐘,7點小桐桐話好口渴,所以我陪左佢出廳飲水,跟住想話比d餅or包佢食,但係佢話無胃口,所以比多半杯水佢飲,叫佢係個廳度坐一陣先返房,唉~~我一上床,就聽到佢嘔喇...唉~~可以點??又拖地law~跟住我無訓喇,拎d野過大屋果邊洗,返到屋企,小桐桐訓左係梳化,抱佢入房,老公就話要去東涌入貨,不如帶桐桐去睇醫生啦~但係桐桐咁易嘔,點坐到出東涌喎~~我無病,坐長途車都想嘔啦~~所以我話留係大澳睇醫生啦~跟住真係好攰,訓左一個鐘,嗱嗱聲起身同桐桐行過醫局,路程35-45分鐘...行到我想死,點知去到,勁多老人家....見到個房睇緊6號,而我就係27號....死火喇,做乜會咁呢~~打聽下先知聽日同後日係假期,d老人家會睇醫生拎多幾日藥,所以有排都未輪到我...等下又一個鐘,等下又一個鐘,小桐桐已經好唔耐煩地訓左幾次又醒左幾次,好想返屋企,me too../.\..我都好想...終於等左3個鐘先到我....一問之下先知小桐桐唔係腸胃炎,因為佢無肚痾...而係感冒菌入腸,所以令佢食咩嘔咩...good~又學多樣野喇...跟住拎埋藥,返屋企....途中大部份人都問我:吓,你睇醫生睇到而家呀???...係呀係呀.....死未-.-

跟住,小桐桐就過左一日不停訓既一日,但係就發燒law~~摸佢就好熱呀~~好似d高燒咁,但係量到只係98點幾,可能因為天氣凍左,著多左衫又勁蓋被啦~~又係自己嚇自己.....好喇,講左咁耐,我真係好眼訓,而小桐桐又已經落左藥,訓左喇,所以我都要去訓喇,因為好怕今晚會有咩突發事件...希望佢訓醒就龍精虎猛,可以跟婆婆出香港玩同睇灯飾啦~~~早抖~~~

我成日都覺得自己好幸運~好多好想做既事情都做到,可能就係咁,有好多野都唔係太識珍惜~~~有時自己一個踩住單車~望下風景,會好感慨..就用黃昏黎講丫...其實我幾enjoy4點鐘落街接放學呢幾分鐘...望住黃昏既太陽,啫係人地所講既咸旦黃~我每一日都見到,但係我唔會停落黎去欣賞,經過會睇下咁law~當然每一次我都覺得好靚~~都好驚嘆造物主既鬼斧神工~有好多人都專程入來大澳睇咸旦黃~因為個景真係超靚~不過我未為過呢個旦黃影過一張相~真係影就半張左右啦~因為本身係影杰杰桐桐,咁岩影埋~~

其實,人係咪都會時時刻刻珍惜身邊既人呢~??我相信唔會law~好似嗌交果d~你明明好珍惜對方,都硬係要嗌贏為止~~講下我日日對住果3個丫~~好似杰杰咁~佢由細到大我都咁錫佢,講真,真係好肉赤佢比老公打..咁當然,打得佢就緊係佢唔聽話啦~但係老公打佢果陣係火遮睇果種,好似想殺人咁~~佢唔會怕佢果d無情力打傷佢...所以,我見到好心痛...而家佢大個左,好多時都唔應我,叫極話極都唔睬,火滾果陣,我都會拉扯佢~~但係好快,我就好後悔,因為佢咁細個,一d還擊力都無,就係任人魚欲果種!!佢望住你個樣就好似話你知:點解我最信任既人都咁樣對我??佢可以為左我,將佢好珍惜既食物都比晒我,同我分享...果一刻,我真係好後悔出手...小朋友係要比耐性ma~~自己細個都係咁啦~~~

桐桐呢!!仲抵死,我唔係話佢抵死,而係我呀~因為你永遠無辦法打得落手~~有時我好嬲想打佢,佢會做個慘樣出來,叫我唔好唔鐘意佢,跟住流d眼淚,果啖氣即刻無晒~~又摟又抱來錫佢,同佢講:媽咪點會唔愛你丫??到真係打左佢喇..佢當然喊啦~~佢唔係張大個口來喊,喊到你覺得好黑人憎果種,而係飲泣呀!!佢會比你立刻知道自己火遮眼打左佢,要收歛喇!!嗱嗱聲摟住佢,佢就係你懷裡打喊egg:媽咪,你唔好打我啦,你唔好唔鐘意我啦~我好鐘意你架!!oh~~講埋呢句,我都不知幾內疚,直頭覺得抵死.....所以,老公極少打佢,可以話無乜點打過佢!!!

老公喇~~唉~都唔知點講,我地2個基本上性格一樣,火星撞地球,唔係大家肯忍讓,邊有可能一齊6年丫~~我成日都同自己講,呢個男人唔會同我一世~唔係話佢花心,而係性格不合,會分開law...都講話6年喇~~我地日對夜對,好多朋友都話咁對法一定悶law~一定好多嗌交,但係我地又無喎!某朋友話,佢放工返屋企先會對住老公,但係都好悶,無野講,屋企好靜,2個人相處反而變得差左,令佢好想出去搵下節目!!唔知點解..我同老公又無咁樣喎!!我地唔係無嗌交,嗌左交又好快無事,大家可以嬲完就算,係真係算果種~咁樣,係好定唔好呢???可能成日對住,佢出左街,我都會有好想快d見到佢果種感覺架喎!!如果係我出左街,我都會想快d返屋企果種,但係應該唔係想見佢一個咁簡單law~呵呵!!希望我地既關係可以keep住啦!!!

今次講住3個先~~下次再講3個!!

星期一襯豪哥同阿妹未走,同老公休返日息...其實考慮左好耐先決定同佢地2個去Ocean Park~其實係呢個月,做得好辛苦...其一係阿妹嫁左,少左一個人接力幫手,而豪哥又出返香港,淨係幫星期六同日,得返我同老公,當個場得8張枱,基本上日日午飯時間都full到爆,張張枱都係坐滿,撘得就撘,d人車輪轉咁,無時停...淨係講開茶水同埋拎飲品,2個人都唔夠...仲要落單呢~收枱返枱傳菜呢???差不多日日都做到發晒火...但係明知自己做到心情唔好都好,我都勉強自己要控制情緒,因為我唔想老公都心情煩躁....點都好,我都想舖頭生意好既...

講返休息先,係就係有個想法同佢地去Ocean Park玩,但係又唔想佢地唔返學,又唔想玩一日咁辛苦,你知係果度玩一日,要行幾多路啦~~但係回心一想,到左杰杰升小學,可能就無呢個機會再去玩架喇,因為請一日假會學少好多野!!明知自己只有平日先可以休息,唔通要仔女為左去玩而請假咩~所以我地希望可以係杰杰升小一前同佢去多一次~~而今次就係夾晒天時地利人和喇~~天氣又好,岩岩又過埋評估週,而阿妹同豪哥又留係度幫手,仲唔係命中注定去玩咩????不過,我知老公唔係想咁樣休息,因為佢太攰喇,再要佢去玩一日,一定好辛苦..我知佢係想訓到11點幾,換好衫先同d仔女出去飲茶,因為佢好想食雷沙湯丸,跟住去行街,輕輕鬆鬆咁過一日....但係,咁樣過,有需要d細路返半日咩?不如唔好帶出去仲好啦~咁仲輕鬆~~呢一日,講明係同桐桐補祝生日ma~點可以求其咁過架~~諗左好耐先決定去Ocean Park架~~

講返呢一日,其實都玩得好開心,都無想像中咁攰!!8點起身,坐9點3車出東涌,食埋早餐去到金鐘都已經11點半喇,係預計時間內到達海洋公園~~呢一日無玩到任何機動遊戲,用左好多時間睇魚同熊貓(因為桐桐好中意熊貓),亦都用左好多時間係兒童王國~~見到佢地2個係彈彈床度勁跳,真係好開心~~今次係唯一一次無睇海豚表演~~基本上一年一次海洋公園之旅都有睇~~好喇~~今年可能係最後一次,所以要好好珍惜~~

之後出左旺角同爸爸媽媽佢地食埋壽司先走~~用左少少時間買左對雪boot~~$350,比想像中貴左,又唔係十分鐘意~但係個款唔係成街都係,都值既~~~下次再post出來睇~~~~~